داليا

التوقيت بتاعة المدونة دا مهيس ..... الساعة الوقتى 12 يوم الاحد الموافق 31/10/2010
زى النهاردة من 19 سنة جيت للدنيا النهاردة يوم ميلادى مع انى مش احتفلت بيه ولا حاجة الا انه
اول عيد ميلاد يعدى عليا من ساعة ما دخلت الكليه وكان مختلف تماما عن اى مرة
حاسة انه كان يوم جميل ابتدى باحلى كلمة كل سنة وانتى طيبه فى رساله بستناها كل عيد ميلاد
من احلى اخ فى الدنيا ربنا يحميه ويخليه ليا يارب وكمان من امى الصبح وبعدين من احلى اصحاب فى الكليه
احلى حاجة ان بقالى اصحاب حلوين اوى فى الكليه بيحبونى وبحبهم ربنا يوفقهم اتمنى يفضلو معايا على طول
كنت زعلانة عشان فاطمة وشيماء اصحابى من ثانوى مش افتكرو النهاردة يقولولى كل سنة وانتى طيبه الا ان
اتفاجئت بفاطمة جايه وكانت احلى مفاجاة كنت مبسوطة اوى ان كل اللى بحبهم افتكرونى الحمد لله اينعم مش كلهم كلهم بس الحمد لله برده
انا راضيه يمكن بس يكونو مشغولين
اها انا قررت انى ارجع اعمل كل الحاجات اللى بحبها تانى ومش هلعب فى دماغى عشان مش اتوه تانى
رجعت اشتغل فوتوشوب وهكمل اللى انا عاوزاه باذن الله وكمان شغاله سى شارب والحمد لله ماشيه
ومواد الكلية ملخبطة شويه معايا بس مش مهم كله هيظبط باذن الله


اللهم لك الحمد كما ينبغى لجلال وجهك وعظيم سلطانك
اللهم لك الحمد عدد خلقك ورضا نفسك وزنة عرشك ومداد كلماتك