فؤادة : اها .... شايفة ان شكلكم لايقين على بعض وتعرفو بعض كويس !!
تعرف هتبقى زوجة مثالية ليك .. :)
عتريس : انا اعرف اختار كويس الانسانة اللى احب اعيش معاها !..........................
فؤادة : ...........
عتريس : لازم تكون نظرات عينها متخبيش سر ... ويكون فيهم قوة بتتحدى العالم كله
وشعرها ليل بيرقص مع كل نسمة ...
ووش يكون بلون القمح وقت الحصاد
بتقعد على ضهر الخيل بكل ثقة ...
حتى الاميرات اللى فى القصور بيغيروا منها
بتعرف تميز بين الصح والغلط ....
راسها مرفوعة على طول ... عمرها ما تنحنى
ومع كل دا ... يكون قلبها ارق من الوردة ...
دى البنت اللى بحلم اتجوزها .. تعرفيها ؟؟.. طبعا لو هى ترضى بيا ؟
فؤادة : من كلامك عنها شكلك لقيتها وتعرفها كويس ! ... بتحكيلى عنها ليه ؟؟؟ روح لعندها احكيلها واسألها ..!
عتريس : انتى شايفة انى لازم اسالها ؟!
فؤادة : معرفش ... انا بس مستغربة انك بتسألنى وبتحكيلى انا !....
خاصة انك مقرر و...... انت قرر لوحدك مفيش داعى تسالنى .
عتريس : .....!!!! ......... انا اسف ...... انسى الموضوع
فؤادة :..............
.. تعرف .... الفرق بينا ان انت تعرف كويس الانسانة اللى انت عايز ترتبط بيها .......... اما انا فـ اعرف كويس صفات الشخص اللى لاييمكن ارتبط بيه .... تحب اقولهم لك ؟؟
عتريس : ...........................
فؤادة : اللى الغضب مسيطر عليه ..... اللى مبيعرفش حاجة فى الدنيا غير الانتقام وشوية ماضى مسيطر عليه .....
عتريس : وايه كمان ؟
فؤادة : الشخص اللى بيخجل يعبر عن احاسيسه ....
عشان كدا حاطط مسافة بينه وبين كل اللى حواليه .....
اللى اقل كلمة بتزعجة ... اللى بيحب كل حاجة تبقى بتاعته هو بس !!
عتريس : معقول تكونى شايفانى كدا ؟!
فؤادة : انا مبتكلمش عنك ! .................
اللى شايف نفسه زيادة عن اللزوم .....
اللى مش قادر يدافع عن حبه ...وبيهرب من مشاكله
مش هقدر اتجوز واحد مش قادر يعرض عليا الجواز او حتى يقولى بحبك !!!
وينتهى المشهد بدخول احد افراد الرواية :)
........................................................................................................................
مشهد من مسلسل ما :) .....
