بناقص !

- يمكن معذورين فى لعن كل ذرة تراب فى البلد فى كل ثانية ومع كل نفس
 بس انا مش مضطرة اقرا كل يوم الفاظ واضطر افهم ايحاءات ومعانى تأذى نفسى
معنديش طاقة تخلينى اتحمل دا !

-يمكن معذور تكفر بكل حاجة حواليك بس ليه الاصرار على انك تاذينى وتهين دماغى فى كل ثانية
عشان مش فى طريقك ,وكانى مسئولة انك متولدتش ملحد !

- متبقاش حيوان وكل  اللى فارق معاك دم  وعرض اللى شبهك بس , وتيجى تشيّلنى  انا
هم عنصريتك وقرف سنين  لما تيجى عليك !

آذيت نفسى بما فيه الكفاية , انا مش مضطرة !

..  كل واحد يقلع شوكه بايده ! 

الكذب حلو

ا لـــ ـكـ ـــ ـذ بـ  ا لـ ــمـ ــبــ ـا حـ

الكذب حلو 

فيها ايه لما الواحد يكذب شوية على نفسه ويصدق طالما هيرتاح 

الدنيا من غير كدب وحشة اوووى :(  #حقيقى 

 لما بكذب ببقى مصدقه كل الناس مهما كذبو ... تحس اننا متناغمين جدا ! 

بنعمل بنضحك سوا ونعمل بندمع  سوا ..نجامل بعض ونعمل مسامحين بعض ..

 ونخترع حجج لبعض ! بنعزف لحن ملوش معنى لكن متقبلين بعض 

جدير بالذكر انى كنت استغنيت عن الكذب لفترة كبيرة نوعا ما !!

مزايا الفترة دى  من واقع التجربة :

- راحة نفسية طويلة المدى (ضميرى مرتاح)

- مكنتش بهتم بالانتقادات  مهما كان حجمها 

-قرات كتب كتير اووووى ممدوحة ومذمومة 

العيوب كانت كتير اووى  :

- مكنتش مرتاحة مزاجيا  .. ودا سببه ان لما تعمل وتقول اللى انت حاساه الناس كلها 

بتتفق تعكنن عليك ودا لان مجرد التنفس من غير كدب او مجامله  بيعتبروه بجاحه 

ودا طبعا كان بيفرق لما يبقى الموضوع خاص بااهلى 

-كنت كائن خامل  برخامة زايدة  مكنتش بعمل اى حاجة باختصار 

-بنام كتير  ومش عايزة اشوف اى حد ولا اكلم اى حد 

بااكل كتير اوووى 

- علاقات سطحية بكل الناس مهما كانو قريبين عشان اقدر احافظ على برودى اكبر وقت ممكن 

- مكنتش بتكلم مع حد لدرجة انى لما اتكلمت بعدها بقيت بتهته فى الكلام زى

 الاطفال او المعاقين ! على حد وصف احدهم

حقيقى  حلو  !

لما حد يسألك مالك قوله انك مصدع  او تعبان متقولوش مضايق ولا عايز ابقى لواحدى او زعلان !

لما تزعل من صاحبك  متقولش حاجة 

افرح وانت  مش عايز واحزن وقت اللزوم واتجوز اى حد وصاحب كل اللى محتاجه وجامل وخبى !

اعمل عكس اللى انت حاسس بيه ,عشان الناس كلها بتبص فى نفس المراية اللى بتعكس كل حاجة  !!!

الكدب حلو .....

 بس بيوجع اووى 

:(

احتفل بصديقى

my Kindle
صديقى العزيز لا يمكن لمدونتى ان تخلو من اشارة لك .
قرابة عامان...  وانت معى مؤنس لوحدتى وصديق لصمتى
اردت ان اقول لك اليوم وبكل صدق  :: كل سنة وانت بالصحة والسلامة يابرنث :D :D

** ازاى اتعرفنا على بعض ؟ :D
الحقيقة هو كان هدية (بدون مناسبة كما تعودت ) من اخويا حبيبى
وبما اننا مكناش عارفين ماهية الكائن اللى فى ايدينا ,
 فقررت انا انى هسميه تابلت مؤقتا  لكن امى فضلت شايفة  انه الة حاسبة :D ,
وبالاستعانة بالصديق جوجل تم الفصل فى الموضوع وتم  التعارف بيننا  
alkindle.blogspot.com 
 وما محبة الا بعد عداوة


ازاى بقينا اصحاب ؟
فى البداية كانت الاستخدامات تقتصر على المحاضرات والمذاكرة  وريحنى جدا لانه مش بيتعب العيون زى الـ لاب
بعد كدا استخدمته فى القراءة لاستغلال الفراغ القمىء  فى حياتى  - ومن هنا نشات العلاقة :D -
بعد ما كنت بقرأ  كتاب او روايتين فى السنة  ,
دلوقتى الليست عندى دخلت فى 200 كتاب او اكتر مبقتش اهتم بعدد  او حجم


فى الواقع اشعر انى مميزة بصحبة هذا الرائع واشكر لأخى هديته الغالية , والمميزة كعادته
صدق الشاعر حين قال   :

" انا لما بحب اتسلى مبحبش اقزقز لب  :D "

صاحبتك السلامة يا صديقى :) 

12-1-2014