- خطأ كبير اقع فيه كلما مرت بى حالة نفسية سيئة ,لازمنى طوال حياتى القصيرة ,
ابحث دائما عن بديل , لكن الخوف دائما اقوى من اى بدئل تطرح ,
لا اعرف كثيرا عن تلك التصرفات الغبيه الا انها تحدث فجاءة وبدون اى مقدمات ,
قد يكون لها مسببات ,لكن سرعان ما تتحول التصرفات الغبيه الى تصرفات اكثر غباء , والخطأ الى مزيد من المصائب ....
- احيانا بحاول اشفق على نفسى من الهم اللى بقيد روحى بيه طول الوقت , وافصل !
بس بعدها بلاقينى مهمومة اكتر !
حاسة بوحدة وحشة اوى , وكل ما احاول اهرب للناس بحس بوحدة اكتر !
احيانا فى وسط الكلام بسكت , مش ببقى عارفة سكت ليه .. وبلاقى حجات كتير فى بالى ليها ترتيب منطقى بس ملهاش ترجمة , ...... خلل !
- محتاجة افكر فى حاجات كتير واخد فيها قرار واضح ومش بعمل حاجة غير انى ااجلها !
- محتاجة تعريف واضح لكل تعاملاتى مع الناس قرايبى اصحابى اخواتى امى وابويا !
- محتاجة احدد مستنية ايه بالظبط ....
- محتاجة اتعامل مع نفسى على انى مش شخصية كارتونية ساذجة او ممثلة فى فيلم لرواية تافهة !
-- بس حقيقى مش عايزة اعرف دلوقت مصدر الرسالة اللى جات على موبايلى فى الفلانتين امبارح
لسبب بسيط !
انها خلتنى اكتب التدوينة السخيفة اللى ملهاش اى تلاتين لازمة دى ! :(
